Iste’molchilar to‘g‘risida hisobot beruvchi agentliklarning fayllaridagi ma’lumotlarning aniqligini, xolisligini va maxfiyligini ta’minlashga ko‘maklashish maqsadida Adolatli kredit hisoboti to‘g‘risidagi Federal qonun (FCRA) qabul qilingan. Iste'molchi haqida ma’lumot beruvchi agentliklarining ko'plab turlari mavjud, jumladan kredit byurolari va ixtisoslashgan agentliklar (masalan, berilgan cheklar tarixi, tibbiy yozuvlar va ijara tarixi yozuvlari haqida ma'lumot sotadigan agentliklar). FCRAga ko‘ra sizning asosiy huquqlaringiz qisqacha bayon etilgan. Qo'shimcha ma'lumot, jumladan qo'shimcha huquqlar to‘g‘risidagi ma'lumotni olish uchun www.consumerfinance.gov/learnmore saytiga tashrif buyuring. yoki quyidagi manzilga yozing: Iste'molchilarni Moliyaviy Himoya Qilish Byurosi, 1700 G Street N.W., Washington, DC 20552.
- Sizning ma’lumotnomangizdagi ma'lumotlar sizga qarshi ishlatilgan bo'lsa, bu haqda sizga xabar berilishi shart. Kredit hisoboti yoki boshqa turdagi iste’molchi hisobotidan foydalanib, sizning kredit, sug'urta yoki ishga joylashish arizangizni rad etuvchi yoki sizga nisbatan boshqa salbiy choralar ko‘ruvchi har qanday shaxs bu haqda xabar berishi va ma'lumot taqdim etgan agentlikning nomi, manzili va telefon raqamini sizga ma’lum qilishi shart.
- Faylingizda nima borligini bilishga haqqingiz bor. Siz iste'molchilar to'g'risida ma’lumot beruvchi agentligi fayllarida o‘zingiz to‘g‘ringizdagi barcha ma'lumotlarni so‘rab olishingiz va qo‘lga kiritishingiz mumkin (bu “ sizning fayl ma’lumotlaringizni oshkor qilish” deb ham yuritiladi). Sizga shaxsingizni tasdiqlovchi tegishli hujjatni taqdim etishingiz kerak bo‘ladi, bu hujjat ijtimoiy sug‘urta raqamingizni ham o‘z ichiga olishi mumkin. Ko'p hollarda ma'lumotni oshkor qilish bepul bo'ladi. Siz quyidagi holatlarda faylni bepul oshkor qilish huquqiga egasiz:
- agar kimdir kredit hisobotingizdagi ma'lumotlarga asoslanib sizga nisbatan salbiy choralar ko'rgan bo‘lsa;
- siz shaxsiy ma'lumotlaringiz o'g'irlangan va faylingizga firibgarlik haqida ogohlantirish joylashtirilgan;
- faylingiz firibgarlik tufayli noto'g'ri ma'lumotlarni o‘z ichiga olgan;
- siz davlat qaramog'idasiz;
- siz hozirda ishsiz bo‘lsangiz ham, 60 kun ichida ishga joylashishni rejalashtirmoqdasiz.
Bundan tashqari, barcha iste'molchilar har bir milliy kredit byurosi va iste’molchilar haqidagi ma’lumotlarni taqdim etuvchi ixtisoslashgan milliy agentliklardan so‘rov bo‘yicha har 12 oyda bir marta bepul ma’lumot olish huquqiga ega. Quyidagi saytiga qarang www.consumerfinance.gov/learnmore qoʻshimcha maʼlumot olishingiz mumkin.
- Siz kredit reytingini so'rash huquqiga egasiz. Kredit reytinglari kredit byurolaridan olingan ma'lumotlar asosida sizning to‘lov qobiliyatingizni raqamli baholaydigan ko‘rsatkichlardir. Siz uy-joy ko'chmas mulk uchun krediti berilish paytida ishlatiladigan ballarni yaratadigan yoki taqsimlaydigan iste'molchilar haqidagi ma’lumotlarni taqdim etuvchi agentliklaridan o'z kredit bahoingizni so'rashingiz mumkin, ammo buning uchun to‘lov qilishingiz talab etiladi. Ba'zi ipoteka bitimlarida ipoteka beruvchi sizga kredit tarixi haqidagi ma'lumotni bepul taqdim etadi.
- Siz to'liq bo'lmagan yoki noto'g'ri ma'lumotlarga e'tiroz bildirish huquqiga egasiz. Agar faylingizda toʻliq bo‘lmagan yoki notoʻgʻri maʼlumotni aniqlasangiz va bu haqda isteʼmolchilar xuquqini himoya qiluvchi agentlikka xabar bersangiz, agentlik albatta tekshiruv oʻtkazishi shart, sizning e’tirozingiz asossiz bo‘lgan holatlar bundan mustasno. Quyidagi saytiga qarang www.consumerfinance.gov/learnmore nizolarni hal qilish tartibi to‘g‘risida ma’lumot olishingiz mumkin.
- Iste'molchi haqidagi ma’lumotlarni taqdim etuvchi agentliklar noaniq, to'liq bo'lmagan yoki tekshirib bo‘lmaydigan ma'lumotlarni tuzatishi yoki o'chirishi shart. Noaniq, to‘liqsiz yoki tekshirib bo‘lmaydigan ma'lumotlar odatda 30 kun ichida o‘chirilishi yoki tuzatilishi lozim. Biroq, iste’molchilar to‘g‘risidagi ma’lumotlarni taqdim etuvchi agentlik iste'molchi to'g'risidagi tekshirilayotgan ma'lumotlarni taqdim etishni davom ettirishi mumkin.
- Iste'molchilar haqida xabar beruvchi agentliklar eskirgan salbiy ma'lumotlarni xabar qilmasligi mumkin. Ko'pgina hollarda, iste'molchilar haqidagi ma’lumotlarni taqdim etuvchi agentlik etti yildan oshgan salbiy ma'lumotlar yoki 10 yildan oldin sodir bo'lgan bankrotlik holatlari haqidagi ma’lumotlar xaqida xabar bermasligi mumkin.
- Faylingizga kirish imkoniyati cheklangan. Iste'molchilar to‘g‘risidagi ma’lumotlarni taqdim etuvchi agentlik sizning ma’lumotlaringizni faqat jiddiy asoslarga ega bo'lgan shaxslarga taqdim etishi mumkin - odatda ariza kreditor, sug'urtalovchi, ish beruvchi, ijaraga beruvchi yoki boshqa korxona tomonidan ko'rib chiqilishi uchun. Adolatli kredit hisoboti to‘g‘risidagi Federal qonun (FCRA) kirish huquqiga asosli ehtiyoji bo‘lgan shaxslarni aniqlab beradi.
- Hisobotlarni ish beruvchilarga taqdim etish uchun roziligingizni berishingiz shart. Iste'molchilar to‘g‘risidagi ma’lumotlarni taqdim etuvchi agentlik sizning ish beruvchingizga yoki salohiyatli ish beruvchiga siz haqingizdagi ma’lumotlarni sizning yozma roziligingizsiz oshkor qilishga haqli emas. Yuk tashish sohasida odatda yozma rozilik talab etilmaydi. Qo'shimcha ma'lumot uchun www.consumerfinance.gov/learnmore sahifasiga o'ting.
- Siz kredit hisobotingizdagi ma'lumotlar asosida sizga taqdim etiladigan "oldindan saralangan" kredit va sug'urta takliflari sonini cheklash imkoniyatiga egasiz. So'ralmagan “oldindan saralangan” kredit va sug‘urta takliflari, agar siz ushbu takliflar asosidagi ro'yxatlardan ismingiz va manzilingizni o'chirishga qaror qilsangiz, qo'ng'iroq qilishingiz mumkin bo'lgan bepul telefon raqamini o'z ichiga olishi shart. Siz 1-888-5-OPTOUT (1-888-567-8688) telefon raqamiga qo‘ng‘iroq qilib, butun mamlakat bo‘ylab kredit byurolarining xizmatlaridan voz kechishingiz mumkin.
Quyidagi FCRA huquqi iste'molchilar haqida ma’lumot taqdim etuvchi umumdavlat agentliklariga nisbatan qo'llaniladi:
ISTE'MOLCHILAR XAVFSIZLIKNI MUZLATIB QO'YISH HUQUQIGA EGA
Siz kredit hisobotingizga “xatarsizlik maqsadida muzlatish” huquqiga egasiz, bu esa iste’molchilar haqidagi ma’lumotlarni taqdim etuvchi agentligiga sizning aniq ruxsatingizsiz kredit hisobotingizdagi ma'lumotlarni oshkor qilishni taqiqlaydi. xatarsizlik maqsadida muzlatish sizning roziligingiz bo‘lmagan holda nomingizdan kreditlar, qarzlar va xizmatlarning tasdiqlashni oldini olish uchun mo‘ljallangan. Biroq, shuni yodda tutingki, kredit hisobotingizdagi shaxsiy va moliyaviy ma’lumotlaringizga kimning kirish huquqini nazorat qilish uchun xatarsizlik muzlatishidan foydalanish yangi kredit, qarz, ipoteka yoki kreditga aloqador boshqa har qanday hisob bo‘yicha keyingi so'rov yoki arizaning o‘z vaqtida tasdiqlanishini kechiktirishi, unga to‘sqinlik qilishi yoki uni taqiqlashi mumkin.
xatarsizlik muzlatishiga muqobil sifatida siz kredit ma’lumotnomangizga firibgarlik haqidagi dastlabki yoki kengaytirilgan ogohlantirishni bepul joylashtirish huquqiga egasiz. Firibgarlik bo‘yicha dastlabki ogohlantirish iste’molchining kredit tarixiga kiritiladigan va bir yil muddatga amal qiladigan ogohlantirishdir. Iste'molchining kredit tarixida firibgarlik haqida ogohlantirish mavjudligini aniqlagan kompaniya, unga yangi kredit berishdan oldin iste'molchining shaxsini tasdiqlash uchun zarur choralar ko'rishi shart. Shaxsga doir ma'lumotlaringiz o'g'irlanishi qurboni bo‘lgan taqdirda, 7 yil davomida amal qiladigan firibgarlikdan ogohlantirish muddatini uzaytirish huquqiga ega bo'lasiz.
Muzlatish usuli quyidagilarga nisbatan qo‘llanilmaydi: sizning joriy hisobingiz mavjud bo‘lgan jismoniy yoki yuridik shaxslar, ularning affillangan shaxslari yoki jismoniy yoki yuridik shaxs nomidan faoliyat yurituvchi kollektorlik agentliklari, agar ular hisobni tekshirish yoki qarzni undirish maqsadida sizning kredit hisobotingizdan ma’lumot so‘ragan bo‘lsa. Hisobni tekshiruvi o‘z ichiga hisobni yuritish, nazorat qilish, kredit chegarasini oshirish, shuningdek hisobni yangilash va takomillashtirish bilan bog'liq harakatlarni o'z ichiga oladi.
- Siz qoidabuzarlardan yetkazilgan zararni qoplashni talab qilish huquqiga egasiz. Agar iste’molchilar haqida ma’lumot beruvchi agentlik yoki ba'zi hollarda iste'molchilar hisobotlaridan foydalanuvchi yoxud agentlikka ma'lumot etkazib beruvchi FCRA qonunini buzsa, siz davlat yoki federal sudga da'vo arizasi kiritishingiz mumkin.
- Shaxsga doir ma'lumotlarni o'g'irlash qurbonlari va faol harbiy xizmatchilar qo'shimcha huquqlarga ega. Qo'shimcha ma'lumot olish uchun tashrif buyuring www.consumerfinance.gov/learnmore.
FCRA qo‘llanishi alohida mamlakatlar darajasida amalga oshirilishi mumkin bo‘lib, ularning ko‘pchiligi iste’molchilar haqidagi ma’lumotlarni taqdim etish bo‘yicha o‘z qonunlariga ega. Ba'zi hollarda siz mamlakat qonunchiligiga ko'ra ko'proq huquqlarga ega bo'lishingiz mumkin. Qo'shimcha ma'lumot olish uchun davlat yoki mahalliy iste’molchilar huquqlarini himoya qilish agentligiga yoxud tumaningiz Bosh prokuroriga murojaat etishingiz mumkin. Federal darajadagi huquqlaringiz haqida ma'lumot olish uchun quyidagilarga murojaat qiling:
| FAOLIYAT TURI: | ALOQA: |
| 1.a. Umumiy aktivlari 10 milliard AQSH dollaridan yuqori boʻlgan banklar, jamgʻarma uyushmalari va kredit tashkilotlari hamda ularning filiallari b. Bank, jamg‘arma uyushmasi yoki kredit tashkiloti bo‘lmagan bunday filiallar CFPBdan tashqari quyidagilarni ham ko'rsatishi kerak: | a. Iste'molchilarni moliyaviy himoya qilish byurosi
1700 G Street, N.W. Washington, DC 20552
b. Federal Savdo Komissiyasi Iste'molchilar Murojaatlarini Ko‘rib Chiqish Markazi
600 Pennsylvania Avenue, N.W. Washington, DC 20580
(877) 382-4357 |
| 2. Yuqorida 1-bandga kiritilmagan darajada: a. Milliy banklar, federal jamg'arma uyushmalari shuningdek, xorijiy banklarning federal filiallari va federal agentliklari b. Davlat a'zo banklari, xorijiy banklarning filiallari va agentliklari (federal filiallar, federal agentliklar va chet el banklarining sug'urtalangan davlat filiallaridan tashqari), xorijiy banklarga tegishli yoki ular tomonidan nazorat qilinadigan tijorat kreditlash kompaniyalari va Federal zaxira qonunining 25 yoki 25A bo'limi asosida faoliyat yurituvchi tashkilotlar. c. Aʼzo boʻlmagan sugʻurtalangan banklar, xorijiy banklarning sugʻurtalangan davlat filiallari va sugʻurtalangan davlat jamgʻarma uyushmalari d. Federal kredit uyushmalari | a. Valyuta nazoratchisi idorasi Mijozlarga yordam ko‘rsatish bo‘limi
1301 McKinney Street, Suite 3450 Houston, TX 77010-9050
b. Federal Rezerv Tizimining Iste'molchilarga Yordam Ko‘rsatish Markazi P.O. Box 1200 Minneapolis, MN 55480
c. FDIC Iste'molchilarga Xizmat Ko‘rsatish Markazi
100 Walnut Street, Box #11 Kansas City, MO 64106
d. Kredit uyushmalari milliy boshqarmasi Moliyaviy xizmatlar iste'molchilari huquqlarini himoya qilish Boshqarmasi (OCFP) Isteʼmolchilar huquqlarini ta’minlash va targ'ibot boʻlimi
775 Duke Street Alexandria, VA 22314 |
| 3. Aviatashuvchilar | Baholash Bosh maslahatchining aviatsiya nazorati va sud ishlari bo‘yicha yordamchisi Aviatsiya iste’molchilarini himoya qilish bo‘limi Transport boshqarmasi
1200 New Jersey Avenue, S.E. Washington, DC 20590 |
| 4. Yer usti transporti komissiyasi vakolatiga kiruvchi kreditorlar | Sud ishlari bo‘yicha boshqarma, Transport vazirligi Yer usti transporti komissiyasi
395 E Street, S.W. Washington, DC 20423 |
| 5. 1921-yilgi "Qadoqlovchilar va yaylovlar haqida"gi qonun doirasiga kiruvchi kreditorlar | Qadoqlash va yaylovlar boshqarmasining eng yaqin mintaqaviy nazoratchisi |
| 6. Kichik biznesga investitsiya kiritish kompaniyalari | Amerika Qo'shma Shtatlari Kichik Biznes Boshqarmasining Kapitalga kirish bo'yicha Ma'mur O'rinbosari
409 Third Street, S.W., Suite 8200 Washington, DC 20416 |
| 7. Brokerlar va dilerlar | Qimmatli qog'ozlar va birja komissiyasi
100 F Street, N.E. Washington, DC 20549 |
| 8. Federal yer banklari, Federal yer banklari uyushmalari, Federal oraliq kredit banklari va ishlab chiqarish kreditlash uyushmalari | Qishloq xo‘jaligini kreditlash boshqarmasi
1501 Farm Credit Drive McLean, VA 22102-5090 |
| 9. Chakana sotuvchilar, moliyaviy kompaniyalar va yuqorida sanab o'tilmagan boshqa barcha kreditorlar | Federal Savdo Komissiyasi Iste'molchilar Murojaatlarini Ko‘rib Chiqish Markazi
600 Pennsylvania Avenue, N.W. Washington, DC 20580
(877) 382-4357 |
