ტყეების აღდგენა გლობალურად, ერთი საერთო მიზნისთვის

ატლანტიკური ტყის ბიომი, რომელიც მდებარეობს გლობალური ბიომრავალფეროვნების ცხელ წერტილსა და იუნესკოს მსოფლიო ბუნებრივი მემკვიდრეობის ძეგლში, არის ერთ-ერთი ყველაზე კრიტიკული ბიომრავალფეროვნების კონსერვაციის წერტილი მსოფლიოში. აბროლიოს-ლენდისა და ზღვის ლანდშაფტი გლობალური ტყის აღდგენის პრიორიტეტული ტერიტორიაა ნახშირბადის შთანთქმის პოტენციალის ოპტიმიზაციის, ბიომრავალფეროვნების ზრდისა და ხანძრების დაბალი რისკების გამო, და ეს იქნება პირველი მასშტაბური აღდგენის ძალისხმევა კლიმატის, ბიომრავალფეროვნებისა და საზოგადოებისთვის სარგებლის მაქსიმიზაციისთვის. ეს პროექტი მნიშვნელოვან როლს შეასრულებს დაცული ტერიტორიების დაკავშირებაში, სადაც ტყის ნარჩენების უმეტესობა მდებარეობს.

ბრაზილიაში ამაზონისა და ატლანტის ტყეების დაცვა და აღდგენა არა მხოლოდ უზარმაზარ გავლენას მოახდენს კლიმატზე, არამედ ხელს შეუწყობს დედამიწაზე უდიდესი ბიომრავალფეროვნებისა და მტკნარი წყლის რეზერვების დაცვას.

ამაზონმა უკვე დაკარგა თავისი თავდაპირველი ტყის საფარის თითქმის 20%. ატლანტიკური ტყე, ბიომრავალფეროვნების ცხელი წერტილი, ევროპული კოლონიზაციის შემდეგ თავისი საფარის 80%-ზე მეტი დაკარგა. მეცნიერები გვაფრთხილებენ, რომ თუ ტყეების გაჩეხვა გაგრძელდება, რეგიონმა შეიძლება გადამწყვეტი წერტილი გადალახოს, რაც მკაცრ კლიმატურ ზემოქმედებას გამოიწვევს როგორც ამ ტერიტორიაზე, ასევე მთელ ქვეყანაში.

ორივე ბიომში, ტყის აღდგენა განვითარების ახალი და მწვანე პარადიგმის მაგალითს წარმოადგენს. კლიმატისა და გარემოსთვის სარგებლის მოტანის გარდა, ტყის აღდგენის ძალისხმევა ჩართავს და პირდაპირ სარგებელს მოუტანს ადგილობრივ თემებს და ხელს შეუწყობს ადგილობრივ მდგრად ეკონომიკას აღდგენის ჯაჭვის მეშვეობით. ამის მისაღწევად სხვადასხვა მეთოდი ადაპტირებული იქნება სხვადასხვა რეგიონსა და რეალობასთან, ნახშირბადის შთანთქმის, ბიომრავალფეროვნებისა და სოციალური სარგებლის მაქსიმიზაციის მიზნით.

ამაზონის ბიომში პროექტი ოთხ რეგიონში განხორციელდება:

1. ცენტრალური ამაზონის სინგუს მდინარის აუზში კერძო მიწები (მატუ-გროსოსა და პარას შტატები): თავდაპირველად დაფარული იყო ხშირი და ღია ომბროფილური ტყეებით, ეს რეგიონი ფართოდ იქნა გაჩეხილი სასოფლო-სამეურნეო მიზნებისთვის. აღდგენითი სამუშაოები განხორციელდება მდინარე სინგუს სანაპირო ზოლში, რათა დაიცვას მდინარე და მასზე დამოკიდებული ადამიანები.
2. აღმოსავლეთ ამაზონში (მარანიოს შტატი) ბელემის ენდემიზმის ცენტრში მდებარე სოფლის დასახლებები: თავდაპირველად დაფარული იყო მკვრივი ომბროფილური ტყეებით, ეს რეგიონი ფართოდ იქნა გაჩეხილი მსხვილფეხა რქოსანი პირუტყვის მოსაშენებლად. აღდგენითი სამუშაოები განხორციელდება კანონიერ ნაკრძალებში, მიწის იმ ნაწილში, რომელიც ტყით უნდა იყოს დაფარული.
3. მადეირას მდინარის აუზის დაცული ტერიტორია (რონდონიის შტატი): თავდაპირველად დაფარული იყო ღია ომბროფილური ტყეებით.
4. ატლანტის ტყის ბიომის დაცული ტერიტორია (ბაიას შტატი): თავდაპირველად დაფარული იყო მკვრივი ომბროფილური ტყეებით. ზემოთ მოცემულ ბიომებში ტყეები ძირითადად მარადმწვანე ტროპიკული ტყეა.

2 000 000 ხის აღდგენა, 40 000 ტონა CO₂*-ის შთანთქმა და 1 054 ჰექტარი მიწის აღდგენა.

ხეების დარგვა: ნერგების დარგვა ისეთ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

პირდაპირი დათესვა: თესლის აქტიური გაფანტვა (სასურველია ეკოლოგიურად მრავალფეროვანი, ადგილობრივი თესლის ნარევები), რაც ხელს შეუწყობს ბუნებრივი რეგენერაციის პროცესს იმ პირობით, რომ ტერიტორია დაცული იქნება დარღვევებისგან. ეს ახალგაზრდა ხეების დარგვისგან განსხვავებული კატეგორიაა.

ხელშეწყობილი ბუნებრივი აღდგენა: საფრთხეების გამორიცხვა (მაგ. ბალახობა, ხანძარი, ინვაზიური მცენარეები), რომლებიც ადრე ხელს უშლიდა ტყიანი ტერიტორიის ბუნებრივ აღდგენას ნიადაგში უკვე არსებული თესლიდან ან ახლომდებარე ხეებიდან თესლის ბუნებრივი გავრცელებიდან. ეს არ მოიცავს ხეების აქტიურ დარგვას.

გამოყენებითი ნუკლეაცია: გამდიდრების დარგვის მეთოდი, რომლის დროსაც ხეები დარგულია ჯგუფებად, მტევნებად ან რიგებად, მთელ ტერიტორიაზე გაფანტულად, რათა წახალისდეს ბუნებრივი რეგენერაცია დაურგავ ტერიტორიებს შორის მატრიცაში.

აგროტყე-მელიორაცია: მერქნიანი მრავალწლიანი სახეობების (ხეები, ბუჩქები, ბამბუკები) განზრახ შერევა და კულტივაცია სასოფლო-სამეურნეო კულტურებთან ერთად იმგვარად, რომ გაუმჯობესდეს ადგილის სასოფლო-სამეურნეო პროდუქტიულობა და ეკოლოგიური ფუნქცია.

სილვოპასტურა: მერქნიანი მრავალწლიანი სახეობების (ხეები, ბუჩქები, ბამბუკები) განზრახ შერევა და კულტივაცია საძოვარზე, სადაც ხის საფარი არ არსებობდა, ისე, რომ გაუმჯობესდეს სასოფლო-სამეურნეო პროდუქტიულობა და ადგილის ეკოლოგიური ფუნქცია, რათა გაგრძელდეს მისი გამოყენება საძოვრად.

150-ზე მეტი ადგილობრივი ხის სახეობა და, სულ მცირე, 17 ადგილობრივი სახეობა, რომლებსაც აქვს სოციალურ-კულტურული ღირებულება არამერქნული ტყის პროდუქტებისთვის, მათ შორის:

• იპე (Handroanthus serratifolius)
• პეკი (Caryocar brasiliense)
• კუპუასუ (Theobroma grandiflora)
• ჯატობა (Hymenaea courbaril)
• პიტანგა (Eugenia uniflora)
• კაუჩუკის ხე (Hevea brasiliensis)

სიერა-ნევადა-დე-სანტა-მარტა წარმოადგენს კოლუმბიის ბიომების უმრავლესობას და ხასიათდება მაღალი მრავალფეროვნებითა და ენდემიზმით, რამდენიმე შეუცვლელი ეკოსისტემით. Conservation International, ადგილობრივ თემებთან ერთობლივი ძალისხმევით, აღადგენს 1 000 ჰექტარს, რომელიც ძლიერი კოლონიზაციის პროცესის შედეგად ინტენსიური მეცხოველეობის მსხვერპლი გახდა, რამაც ტყეების გაჩეხა და მიწის დეგრადაცია გამოიწვია. მიზანია კლიმატის ცვლილებისადმი ადაპტაციისა და მდგრადობის გაძლიერება, ფაუნისა და ფლორის სხვადასხვა სახეობისთვის კრიტიკული ეკოსისტემების აღდგენა და ტყის ფრაგმენტაციის შემცირება ტყის ნარჩენების გარემო პირობების თანდათანობითი აღდგენით და ბიოლოგიურ ურთიერთქმედებებში ცვლილებებით. პროექტი ასევე მიზნად ისახავს ხის სახეობების, ეკოსისტემის ფუნქციური ტიპებისა და ლანდშაფტის ჰექტრების დაკარგვის შემცირებას.

კოლუმბიის სიერა-ნევადაში მდებარე ადგილი ექვს კონტინენტზე განხორციელებული მრავალი პროექტიდან ერთ-ერთის ცენტრია.

3 207 000 ხის აღდგენა, 64 140 ტონა CO₂*-ის შთანთქმა და 2 850 ჰექტარი მიწის აღდგენა.

ხეების დარგვა: ნერგების დარგვა ისეთ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

დარგვის გამდიდრება: ძირითადი ხის სახეობების სტრატეგიული აღდგენა ტყეში, რომელიც ეკოლოგიურად დეგრადირებულია გარკვეული სახეობების ნაკლებობის გამო, რომელთა გარეშეც ტყეს ბუნებრივად თვითგადარჩენა არ შეუძლია.

113-ზე მეტი სახეობა, მათ შორის:

Priceless Planet Coalition-ის პროექტის მეშვეობით ისინი ერთი ნაბიჯით უახლოვდებიან ამ მიზნის მიღწევას, რადგან ისინი აღადგენენ 360 ჰექტარს ეკვადორსა და პერუში.

ხეების დარგვა: ნერგების დარგვა ისეთ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

გვატემალას ხშირი ტყეები უსასრულოდ გრძელდება. ბოლოს და ბოლოს, ქვეყნის სახელწოდება ნაუატლის ენაზე „მრავალი ხის ადგილს“ ნიშნავს. ტყეები ფარავს მიწის 33%-ს, ხოლო გვატემალაში მდებარეობს მსოფლიოში ცნობილი მაიას ბიოსფერული ნაკრძალი, სადაც ადგილობრივი თემები იცავენ და მდგრადად მართავენ დაახლოებით 450 000 ჰექტარ ტყის ეკოსისტემას.

ეს პროექტი კობანის ქალაქზეა ორიენტირებული და იმუშავებს გვატემალას ჩრდილოეთ ნაწილში, ლას-ვერაპასეს რეგიონში. გეოგრაფიულად, რელიეფი მთიანია, რომელიც შედგება ხეობების, ვაკეებისა და ციცაბო ადგილებისგან. ამ რეგიონში არსებული კოოპერატივები 5 000 ჰექტარზე მეტ მიწას მოიცავს და მრავალი მომგებიანი კულტურის, მათ შორის, ყავისა და კარდამონის, მთავარი მწარმოებლები არიან, რომლებსაც მაღალი საბაზრო ღირებულება აქვს.

ვერაპაჩესის კოოპერატივების ფედერაციის (FEDECOVERA) მოქმედი ტერიტორია ბოლო წლებში დეგრადირდა და მიწის დიდი ნაწილი ამჟამად მშრალი საძოვარია შეზღუდული მოსავლის მოყვანის პოტენციალით. აგროტყე-მელიორაციის დანერგვით, ხეები და სასოფლო-სამეურნეო კულტურები გაამწვანებს სარგავ ფართობებს, გაზრდის მოსავლიანობას და უკეთესობისკენ შეცვლის ლანდშაფტს.

500 000 ხის  ღდგენა, 10 000 ტონა CO₂*-ის შთანთქმა და 670 ჰექტარი მიწის აღდგენა.

აგროტყე-მელიორაცია: მერქნიანი მრავალწლიანი სახეობების (ხეები, ბუჩქები, ბამბუკები) განზრახ შერევა და კულტივაცია სასოფლო-სამეურნეო კულტურებთან ერთად იმგვარად, რომ გაუმჯობესდეს ადგილის სასოფლო-სამეურნეო პროდუქტიულობა და ეკოლოგიური ფუნქცია.

ხეების დარგვა: ნერგების დარგვა ისეთ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

მექსიკის სამხრეთ-აღმოსავლეთით მდებარე ოახაკა-ჩიაპასის ფლაგმანური ლანდშაფტი ჩრდილოეთ ამერიკის ბიომრავალფეროვნების 70%-ს მოიცავს, რაც მას, მეგამრავალფეროვნების თვალსაზრისით, მსოფლიოში ხუთ უმნიშვნელოვანეს რეგიონს შორის აყენებს. სამივე ლანდშაფტი (სიერა-მადრე, სიერა-სური და ოახაკა-ჩიაპასის სანაპირო ლანდშაფტები) მოიცავს 2 618 250 ჰექტარს, საიდანაც 17 366 ჰექტარი აღიარებულია აღდგენის შესაძლებლობად Priceless Planet Coalition™ პროგრამის ფარგლებში. ეს ხელს შეუწყობს მინიმუმ ათი დაცული ბუნებრივი ტერიტორიის კონსერვაციას და ცხოველთა და მცენარეთა თხუთმეტი პრიორიტეტული სახეობის შენარჩუნებას, რომლებიც სხვადასხვა ხარისხის საფრთხის წინაშე დგანან, ბუფერული ტერიტორიების ტყეების აღდგენისა და მდგრადი წარმოების სისტემების შექმნის გზით.

ოახაკაში (მექსიკა) მდებარე ობიექტი ექვს კონტინენტზე გაშლილი მრავალი პროექტიდან ერთ-ერთის ნაწილია.

7 650 000 ხის აღდგენა, 153 000 ტონა CO₂*-ის შთანთქმა და 12 273 ჰექტარი მიწის აღდგენა.

იდიოფას მახლობლად მდებარე მთიანეთმა, კონგოს დემოკრატიულ რესპუბლიკაში (DRC), ტყეების მასიური გაჩეხვის გამო მძიმე ზიანი განიცადა. რეგიონში ბუნებრივი რესურსების გადაჭარბებულმა ექსპლუატაციამ ნიადაგისა და მცენარეულობის სერიოზული დეგრადაცია გამოიწვია, რამაც 1,5 მილიონზე მეტი ადგილობრივი მოსახლე კლიმატის ცვლილებისა და სტიქიური უბედურებების მიმართ დაუცველი გახადა. ჯამში, ბოლო 50 წლის განმავლობაში 240 000 ჰექტარზე მეტი ტყე დაიკარგა.

პროექტი გააძლიერებს ფრაგმენტირებულ ტყეებს, რომლებიც იცავს ადგილობრივ მდინარეებს, მათ შორის, კასაის, რომელიც კონგოს აუზის დიდი ტროპიკული ტყის საზღვარს აღნიშნავს. პროექტის ტერიტორია ხასიათდება ტროპიკული და ნოტიო კლიმატით, ცხრათვიანი წვიმიანი სეზონით (სექტემბრიდან მაისამდე), რაც ხეების დარგვისთვის საუკეთესო დროა.

4 350 000 ხის აღდგენა, 87 000 ტონა CO₂*-ის შთანთქმა და 4 350 ჰექტარი მიწის აღდგენა.

ხეების დარგვა: ნერგების დარგვა ისეთ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

ხელშეეყობილი ბუნებრივი რეგენერაცია: საფრთხეების (მაგ., ძოვება, ხანძარი, ინვაზიური მცენარეები) გამორიცხვა, რომლებიც ადრე ხელს უშლიდა ტყიანი ტერიტორიის ბუნებრივ აღდგენას ნიადაგში უკვე არსებული თესლიდან ან ახლომდებარე ხეებიდან თესლის ბუნებრივი გაფანტვიდან. ეს არ მოიცავს ხეების აქტიურ დარგვას.

აგროტყე-მელიორაცია: მერქნიანი მრავალწლიანი სახეობების (ხეები, ბუჩქები, ბამბუკები) განზრახ შერევა და კულტივაცია სასოფლო-სამეურნეო კულტურებთან ერთად იმგვარად, რომ გაუმჯობესდეს ადგილის სასოფლო-სამეურნეო პროდუქტიულობა და ეკოლოგიური ფუნქცია.

ტყისა და ლანდშაფტის აღდგენა კენიის ეროვნულად განსაზღვრული წვლილის ერთ-ერთი მთავარი საყრდენია პარიზის შეთანხმებაში. ამგვარად, ეს პროექტი მნიშვნელოვან წვლილს შეიტანს კენიის ძალისხმევაში, შეამციროს ემისიები და შეაკავოს ნახშირბადი ტყეებსა და აგროტყის ლანდშაფტებში.

ადგილობრივ თემებზე ზემოქმედება მნიშვნელოვანი იქნება. ამ მნიშვნელოვანი წყალშემკრები აუზების აღდგენა ხელს შეუწყობს ნიადაგში მეტი წყლის შენახვას, რაც მდინარეებსა და ნაკადულებში წყლის გამოყოფას არეგულირებს. ხის ფესვები ასევე გაამაგრებს ნიადაგს მდინარის ბუფერულ ზოლებთან, რაც ხელს შეუწყობს წყლის ხარისხის გაუმჯობესებას ქვედა დინებაში. ასევე გაუმჯობესდება საკვების წარმოება. ამ აუზის აღდგენა უზრუნველყოფს წყლის საიმედო წყაროებს, ხოლო მაღალი ღირებულების ხეხილის ნარევის დარგვა შექმნის მოსავალს, რომელიც შეიძლება მოიხმაროს ადგილობრივად და გაიყიდოს ბაზრებზე.

კენიის ნახევრადმშრალ ეკოზონაში მდებარე მაკული ნაზაუის ლანდშაფტი მთელი წლის განმავლობაში მძიმე გვალვებს განიცდის. ეს მხოლოდ ორ წვიმიან სეზონს ტოვებს, რომლის დაწყებამდეც ხეების დარგვის ძირითადი აქტივობების ჩატარებაა შესაძლებელი. ძირითადად ბორცვიანი, კლდოვანი და ქვიშიანი ნიადაგების ნაზავით, არის ორი დიდი ბორცვი/მთა, სადაც მაკულისა და ნზაუის ტყეები მდებარეობს (რომელთა ნაწილები ოფიციალურად დაცულ ტერიტორიებად არის გამოცხადებული).

ტყიან ბორცვებს შორის მდებარე დაბლობ მიწებზე დომინირებს სახნავ-სათესი მიწები, ხოლო ყველაზე ბრტყელი და მშრალი ადგილები ძირითადად პირუტყვის საძოვრად გამოიყენება.

890 400 ხის–აღდგენა, 17 808 ტონა CO₂*-ის შთანთქმა და 3 545 ჰექტარი მიწის აღდგენა.

ხეების დარგვა: ნერგების დარგვა ისეთ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

დარგვის გამდიდრება: ძირითადი ხის სახეობების სტრატეგიული აღდგენა ტყეში, რომელიც ეკოლოგიურად დეგრადირებულია გარკვეული სახეობების ნაკლებობის გამო, რომელთა გარეშეც ტყეს ბუნებრივად თვითგადარჩენა არ შეუძლია.

ხელშეწყობილი ბუნებრივი აღდგენა: საფრთხეების გამორიცხვა (მაგ. ბალახობა, ხანძარი, ინვაზიური მცენარეები), რომლებიც ადრე ხელს უშლიდა ტყიანი ტერიტორიის ბუნებრივ აღდგენას ნიადაგში უკვე არსებული თესლიდან ან ახლომდებარე ხეებიდან თესლის ბუნებრივი გავრცელებიდან. ეს არ მოიცავს ხეების აქტიურ დარგვას.

აგროტყე-მელიორაცია: მერქნიანი მრავალწლიანი სახეობების (ხეები, ბუჩქები, ბამბუკები) განზრახ შერევა და კულტივაცია სასოფლო-სამეურნეო კულტურებთან ერთად იმგვარად, რომ გაუმჯობესდეს ადგილის სასოფლო-სამეურნეო პროდუქტიულობა და ეკოლოგიური ფუნქცია.

9 000 000 ხის აღდგენა, 180 000 ტონა CO₂*-ის შთანთქმა და 3 000 ჰექტარი მიწის აღდგენა.

აქტიური ხეების დარგვა: ნერგების დარგვა ისეთ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

ხელშეეყობილი ბუნებრივი რეგენერაცია: საფრთხეების (მაგ., ძოვება, ხანძარი, ინვაზიური მცენარეები) გამორიცხვა, რომლებიც ადრე ხელს უშლიდა ტყიანი ტერიტორიის ბუნებრივ აღდგენას ნიადაგში უკვე არსებული თესლიდან ან ახლომდებარე ხეებიდან თესლის ბუნებრივი გაფანტვიდან.

გამოყენებითი ნუკლეაცია/ხის კუნძულები: გამდიდრების დარგვის მეთოდი, სადაც ხეები დარგულია ჯგუფებად, მტევნებად ან რიგებად, მთელ ტერიტორიაზე გაფანტულად, რათა წახალისდეს ბუნებრივი რეგენერაცია დაურგავ ტერიტორიებს შორის მატრიცაში.

აგროტყე-მელიორაცია: მერქნიანი მრავალწლიანი სახეობების (ხეები, ბუჩქები, ბამბუკები) განზრახ შერევა და კულტივაცია სასოფლო-სამეურნეო კულტურებთან ერთად იმგვარად, რომ გაუმჯობესდეს ადგილის სასოფლო-სამეურნეო პროდუქტიულობა და ეკოლოგიური ფუნქცია.

პირდაპირი დათესვა: თესლის აქტიური გაფანტვა (სასურველია ეკოლოგიურად მრავალფეროვანი, ადგილობრივი თესლის ნარევები), რაც ხელს შეუწყობს ბუნებრივი რეგენერაციის პროცესს იმ პირობით, რომ ტერიტორია დაცული იქნება დარღვევებისგან. ეს ახალგაზრდა ხეების დარგვისგან განსხვავებული კატეგორიაა.

მალავის ჩრდილოეთ რეგიონში მდებარე მზიმბას რაიონი ვერ გადაურჩა საუკუნის დასაწყისიდან ქვეყანაში ტყეების მასშტაბურ გაჩეხვას. როდესაც ხეებს ჭრიან, ნიადაგის შემაკავებელი ფესვები მათთან ერთად ქრება. ყოველ ჯერზე, როდესაც ძლიერი წვიმები მოდის, ეროზია იწყება და ჯანსაღი ნიადაგი ირეცხება მიწიდან, რაც საფრთხეს უქმნის სურსათის უსაფრთხოებას, საცხოვრებელსა და ინფრასტრუქტურას.

ეს პროექტი მნიშვნელოვან გავლენას მოახდენს ადგილობრივ საზოგადოებაზე და ასევე დაიცავს ნიადაგს, რომელიც ბიომრავალფეროვნების ჰაბიტატს წარმოადგენს. მხოლოდ 2020-2021 წლების დარგვის სეზონზე, პარტნიორმა Wells for Zoë-მ სოფლის თემებს 1,7 მილიონი ადგილობრივი ხის ნერგის დარგვაში შეუწყო ხელი და ასევე უშუალოდ დაახლოებით 1,5 მილიონი თესლი დარგო. 2005 წელს დაარსებული ორგანიზაცია დიდი ხნის განმავლობაში იყო ქალთა გაძლიერების მხარდამჭერი და მოკავშირე რეგიონში, რომელიც ფინანსურ და აკადემიურ მხარდაჭერას სთავაზობდა ადგილობრივი ენიეზინის საშუალო სკოლის გოგონა მოსწავლეებს.

ამ პროექტის ფარგლებში, სკოლის ტერიტორიაზე საზოგადოებრივი ბაგა-ბაღი შეიქმნება და ადგილობრივი ქალები ტყის პროდუქტების, როგორიცაა ხილი, სოკო და ტრადიციული მედიკამენტები, შეგროვებითა და გაყიდვით მიღებული შემოსავლის ყველაზე დიდი ბენეფიციარები იქნებიან. მალავის მთავრობამ ტყეების გაჩეხის წინააღმდეგ მკაცრი პოზიცია დაიკავა — 2017 წელს ის გახდა ერთ-ერთი პირველი აფრიკული ქვეყანა, რომელმაც შეიმუშავა ეროვნული აღდგენის გეგმა — ეს პროექტი მნიშვნელოვანი დახმარება იქნება ქვეყნისა და რეგიონის გარემოსდაცვითი დეგრადაციის წინააღმდეგ ბრძოლის მცდელობებთან დაკავშირებით.

ენიეზინი მზიმბას ჩრდილოეთ რეგიონის რაიონში მდებარეობს. მისთვის დამახასიათებელი მიომბოს ტყე იზრდება ბორცვებსა და კლდოვან გამონაზარდებზე. ლანდშაფტს ორი განსხვავებული სეზონი აქვს: ცივი და მშრალი პერიოდი, რომელიც მაისიდან ოქტომბრის ბოლომდე გრძელდება და ცხელი და წვიმიანი პერიოდი, რომელიც დეკემბრიდან აპრილამდე გრძელდება. გეოგრაფიულად, ეს ტერიტორია ჯენჯევე-ჰილის მთას მოიცავს, რომლის მწვერვალზე გამორჩეული ლოდების ფორმაციებია. გაფართოებული ლანდშაფტი ბორცვიან რელიეფს წარმოადგენს, სადაც ფართოდ გავრცელებულია ეროზიის პრობლემები. წვიმების სეზონის განმავლობაში ღრმა ხევები ფართოვდება, რაც პირუტყვისა და ადამიანებისთვის მნიშვნელოვან დაბრკოლებას წარმოადგენს.

5 101 877 ხის აღდგენა, 95 000 ტონა CO₂*-ის შთანთქმა და 2 500 ჰექტარი მიწის აღდგენა.

ხეების დარგვა: ნერგების დარგვა ისეთ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

ხელშეეყობილი ბუნებრივი რეგენერაცია: საფრთხეების (მაგ., ძოვება, ხანძარი, ინვაზიური მცენარეები) გამორიცხვა, რომლებიც ადრე ხელს უშლიდა ტყიანი ტერიტორიის ბუნებრივ აღდგენას ნიადაგში უკვე არსებული თესლიდან ან ახლომდებარე ხეებიდან თესლის ბუნებრივი გაფანტვიდან. ეს არ მოიცავს ხეების აქტიურ დარგვას.

სანაპირო ზონის აღდგენა: ჰიდროლოგიურ ნაკადებსა და მცენარეულ საფარში სპეციფიკური ჩარევები დეგრადირებული ჭაობის ან რიპარიული ზონის ეკოლოგიური ფუნქციის გასაუმჯობესებლად.

ადგილობრივი ტყის ხეები:

Emirates Nature, WWF-თან ერთად, მიზნად ისახავს მანგროს ეკოსისტემების აღდგენას Priceless Planet Coalition-ის მეშვეობით, რომელსაც Mastercard ახორციელებს Conservation International-თან და World Resources Institute-თან თანამშრომლობით. პროექტის მიზანია ჩრდილოეთ ემირატებში დაახლოებით 10 ჰექტარი მანგროსა და მასთან დაკავშირებული სანაპირო ეკოსისტემების აღდგენა მომდევნო ორიდან ექვს წლამდე.

სანაპირო ლურჯი ნახშირბადის ეკოსისტემები — როგორიცაა მანგროვები — ხელს შეუწყობს კლიმატის ცვლილების რისკებისა და ზემოქმედების შემცირებას და უზრუნველყოფს მრავალი სახის სარგებლის მოტანას: ისინი გვთავაზობს კრიტიკულ ჰაბიტატებს ბიომრავალფეროვნებისთვის მიუხედავად ამისა, მანგროს ტყეები მრავალი საფრთხის წინაშე დგას, მათ შორის, ტყეების გაჩეხვის, სანაპირო ზოლის განვითარების, დაბინძურებისა და კლიმატური ცვლილების.

სანაპირო ზღვის პეიზაჟი, რომელიც მოიცავს მრავალფეროვან ჰაბიტატებს, მათ შორის, მანგროს ტყეებს, ზღვის ბალახსა და ტალახიან მდელოებს.

50 000 ხის აღდგენა, 1 000 ტონა CO₂*-ის შთანთქმა და 10 ჰექტარი მიწის აღდგენა.

ხეების დარგვა: ნერგების დარგვა ისეთ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

ხელშეეყობილი ბუნებრივი რეგენერაცია: საფრთხეების (მაგ., ძოვება, ხანძარი, ინვაზიური მცენარეები) გამორიცხვა, რომლებიც ადრე ხელს უშლიდა ტყიანი ტერიტორიის ბუნებრივ აღდგენას ნიადაგში უკვე არსებული თესლიდან ან ახლომდებარე ხეებიდან თესლის ბუნებრივი გაფანტვიდან. ეს არ მოიცავს ხეების აქტიურ დარგვას.

მანგროს ხეების აღდგენა: ჰიდროლოგიურ ნაკადებსა და/ან მცენარეულ საფარში სპეციფიკური ჩარევები დეგრადირებული მანგროს ხეების ტერიტორიის ეკოლოგიური ფუნქციის შესაქმნელად ან გასაძლიერებლად.

არაბთა გაერთიანებულ საემიროებში ყველაზე გავრცელებული და დომინანტური მანგროს სახეობაა ნაცრისფერი ან თეთრი მანგრო (Avicennia marina).

2021 წელს ბრიტანულმა კოლუმბიამ ისტორიაში ერთ-ერთი ყველაზე საშინელი სტიქიური უბედურებები განიცადა. ლიტონ-კრიკის ხანძარმა მსოფლიო მასშტაბით ყურადღება მიიპყრო მას შემდეგ, რაც რეკორდული სიცხე და ნაპერწკალი გამოიწვია ხანძარი, რომელმაც ლიტონის ქალაქი რამდენიმე წუთში გაანადგურა. ხანძარი აღმოსავლეთით გავრცელდა და ნიკოლას-ველის წყალშემკრები აუზის დიდი ნაწილი დაწვა. ხანძრის სამხრეთ საზღვართან ახლოს, ის ნიკოლას-ველზე გავრცელდა და ნიკოლას წყალშემკრები აუზის თითქმის მთელი დასავლეთი ნახევარი დაწვა, სადაც რამდენიმე ადგილობრივი თემია.

ტყის აღდგენის ეს ადგილი მდებარეობს 2021 წლის ლიტონ-კრიკის ხანძრის შედეგად დაზარალებულ ტერიტორიაზე, რომელიც მაღალი ინტენსივობით დაიწვა და ხეების თითქმის 100% გაანადგურა. ეს ტერიტორია მდებარეობს ნიკოლას-ველში, რომელიც ტომპსონის მდინარის წყალშემკრები აუზის ქვედა ნაწილია ბრიტანეთის კოლუმბიაში.

400 000 ხის აღდგენა, 8 000 ტონა CO₂*-ის შთანთქმადა 282 ჰექტარი მიწის აღდგენა.

აქტიური ხეების დარგვა: ადგილობრივი ხეების ნერგების დარგვა ტყის ხანძრით დაზარალებულ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

ეს სახეობები რეგიონისთვის ბუნებრივია და სტრატეგიულად დაირგვება ტყის ჰაბიტატის აღსადგენად, რომელიც 2021 წელს ლიტონ-კრიკის ხანძარმა გაანადგურა. მათ აქვს უნარი აყვავდეს ტერიტორიის მშრალი ტყის ტიპში და უზრუნველყოს კრიტიკული ეკოლოგიური ფუნქციები რეგიონის ველური ბუნებისთვის.

Conservation International აპალაჩის მთებში დეგრადირებული მაღაროების აღსადგენად Green Forests Work-თან (GFW) თანამშრომლობს, რაც მიზნად ისახავს სამუშაო ადგილების შექმნას და გარემოსა და ეკონომიკის აღორძინებას ქვანახშირის ინდუსტრიის შემცირების შედეგად დაზარალებულ საგრაფოებში. GFW აღადგენს ყოფილი ნახშირის შახტის ტერიტორიას გადაშენების პირას მყოფი ტყის ტიპის (მაგ. მოკლეწიწვოვანი ფიჭვისა და მაღლობის მუხის ნათელი ტყეების) გაშენების გზით. ეს ხელს შეუწყობს ჰაერისა და წყლის ხარისხის გაუმჯობესებას, გაზრდის ტყის მდგრადობას, შეამცირებს კლიმატის ცვლილების გავლენას ნახშირბადის დაგროვების გზით, უზრუნველყოფს მრავალსეზონური მტვრისა და ნექტრის წყაროებს დამამტვერებელი მწერებისთვის და აღნიშნულ ადგილებს ველური ბუნებისთვის უფრო პროდუქტიულს გახდის.

100 000 ხის აღდგენა, 2 000 ტონა CO₂*-ის შთანთქმა და 60 ჰექტარი მიწის აღდგენა.

აქტიური ხეების დარგვა: ნერგების დარგვა ისეთ ტერიტორიაზე, სადაც ტყის საფარი მცირეა ან საერთოდ არ არის, კონკრეტული მიზნების მისაღწევად.

პროექტის ტერიტორიაზე ხელახლა დაირგვება აღმოსავლეთ კენტუკისა და კამბერლენდის პლატოსთვის დამახასიათებელი მოკლეფოთლოვანი ფიჭვისა და მთის მუხის ტყეები.