Ikki qavatli launj kunu-tun ishlaydi va yo‘lovchilarga dam olish hamda ishlash uchun qulay sharoitlarni taklif etadi.

2025-yil 24-fevralda Toshkent xalqaro aeroportida yangi “Anjir Business Lounge” biznes-launjining ochilish o‘tkazildi. Loyiha “VIP Services Group” kompaniyasi tomonidan amalga oshirildi.

Ikki qavatli launj aeroportning ikkinchi terminalida joylashgan. U 427 kvadrat metr maydonni egallagan va bir vaqtda 116 nafargacha yo‘lovchini sig‘dira oladi. Ichkarida dam olish va ishlash uchun qulay sharoitlar yaratilgan, shuningdek taomlanish uchun alohida hudud mavjud. Interyer nafis bezak detallariga ega zamonaviy bosiq uslubda ishlangan.

“Ushbu Business Lounge aynan do‘st mamlakat – O‘zbekistonda ochilganidan faxrlanamiz. “Anjir Business Lounge” — global kengayish strategiyamizning muhim qismidir. Biz oliy toifali interyer yaratdik, u, yo‘lovchilarga maksimal darajada qulaylikni ta’minlash uchun, zamonaviy texnologiyalar va ergonomik dizayn bilan jihozlangan. Yangi “Anjir Business Lounge” zamonaviy aviasayohat sohasida yangi standartni belgilaydi va dunyoning boshqa aeroportlarida ochishni rejalashtirganimiz bo‘lajak zallar uchun namuna bo‘ladi”,- dedi “VIP Services Group” kompaniyasining bosh direktori Sobir Shukurov.

Ikkinchi qavatda O‘zbekiston banklarida chiqarilgan Mastercard premial kartalari sohiblari uchun 45 o‘rinli Mastercard brendlangan launji joylashgan.

“Turizm keyingi yillarda faol rivojlanib, ko‘plab mamlakatlarda, jumladan O‘zbekistonda innovatsiyalar va biznes o‘sishining drayveri bo‘lmoqda. Ushbu trendni aks ettirib, Mastercard kartalarimiz sohiblari bo‘lgan sayyohlar uchun mahsulotlar va servislar ustida muntazam ravishda ishlamoqda va bu borada chuqur ekspertizaga ega. Shunday servislarimiz sirasiga Fast Track, safarlarda sug‘urtalash, roumingda bepul internet va 700 dan ziyod shaharda biznes-zallar tarmog‘idan foydalanish kiradi. Bundan tashqari, Mastercard muhim lokatsiyalarda eksklyuziv brendlangan launjlarni tashkil qiladi, u yerlarda parvozdan oldin mijozlarimizga maksimal qulaylik hamda vaqtni foydali va qiziqarli o‘tkazish imkoniyatini ta’minlashga intilamiz. Shunday launjlardan biri bugun Toshkent xalqaro aeroportida ochilayotganidan faxrlanamiz va unda Mastercard premial kartalari sohiblarini ko‘rishdan mamnun bo‘lamiz”,- sharhladi O‘zbekistondagi Mastercard bosh direktori Denis Filippov.

“Anjir Business Lounge” tunu-kun ishlaydi. Launjdan “Turkish Airlines” va “Air Astana” aviakompaniyalarining birinchi va biznes-klass yo‘lovchilari, shuningdek Priority Pass, LoungeKey, DragonPass, Every Lounge kartalari sohiblari va sadoqatlilik dasturlari qatnashchilari foydalanishlari mumkin.